مين فينا عايش جوه بالونة قافل على نفسه بيها ؟!
مين ساب بالونته تقتل طموحه جواه و تخليه ثابت مكانه ميتحركش ؟!
طب هل على الاقل كل واحد فينا عارف ايه هي البالونة ؟ حد فينا قدر انه يفهم نفسه اوي و وصل انه يشوف مشكلته او " بالونته " اللي محاوطاه ؟! حد وصل انه يعرف ايه هي ؟ يعرفها بـــــــــــــــــــس !!
انا واحدة كنت عارفة بالونتي كويس و النهاردة بس قررت اني اطلع برة البالونة ! قررت اتكلم بس , مجرد اني اقول اللي جوايا و مخافش من نظرات الناس اللي مركزين معايا !
يااااه على احساس نشوة الانتصار دة ! حاسة بالانجاز اوي ! اخيراً خطيت برجلي اول خطوة للخارج !
اصل الواحد و هو جوة البالونة بيتعبه اوى انه مش فاهم نفسه , انا ليه كان جوايا حاجات كتيرة كدة و مش عارفة اطلعها ؟!
لدرجة في ناس بتوصل انهم عارفين انهم جوة بالونة معينة بس مش عارفين هي ايّ واحدة بالظبط !!
هل انا محبوسة جوة الخوف ولا الانانية ؟! السيطرة ولا كره كل حاجة حوليّ ؟ الحقد علي كل حاجة ولا اللا مبالاة اصلاً ؟!
بس كلنا في الآخر متفقين ان على الاقل البالونة موجودة و أننا محبوسين جواها , و تقريباً حتى لو قدرنا نعرف احنا مين بيبقى صعب علينا اوي نخرج براها !
عشان جوة كل واحد مننا خوف من التغيير !
ايوة اكيد كلنا نفسنا نتغير بس للأسف خايفين من الخطوة دي ! مع اننا مؤمنين جداً ان حياتنا برة البالونة احسن بكتير و مع ذلك لسة خايفين نعيش براها و شايفين الامان دايماً اننا نفضل جوة , و دة عشان ببساطة كدة متعودناش على حاجة غير اننا ربطنا واقعنا بوجودنا جواها و بس !! ..
بس انا قررت ان برة مستنياني حاجات اكبر بكتير اوي من اللي انا رسمته لنفسي , عشان كدة فرقعت بالونتي و خطيت لبرة اول خطوة ..
هي اول خطوة بس !! , في البداية اكيد بتبقي صعبة عشان لسة بنقاوم فكرة جديدة علينا , بس انا مؤمنة جداً بالتغيير و مؤمنة اننا اكيد هنوصل ..
من النهاردة مش هسيب خوفي يدفعني جوة البالونة تاني , مش هسيبها تقتل طموحي و تدفن حريتي ..
من النهاردة حياتي برة البالونة هي بس اللي هشوفها :)
أريج .. إنتى عبقرية :)
ردحذفجدا ما شاء الله :)
حذفحبك للبلالين واكل دماغك :D بس فكرة حلوة اوي انك توصفي التغير بالخروج برا البلونة ,, جديدة و معبرة جدا ,, ما شاء الله جميلة اوي :)
ردحذفkeep it up :)
اصل عندي منها كتييييير فالبيت فبتلهمني دايماً :D
ردحذفشكراً على التشجيع نحن في الخدمة دائماَ :D
I will isA :)